Першая нядзеля кастрычніка ў Беларусі - гэта Дзень Настаўніка. У 2023 годзе гэтая дата - 1 кастрычніка.

     Дзень настаўніка - цёплае і кранальнае свята, калі гавораць шмат цёплых слоў. Для кожнага прадстаўніка прафесіі, звязанай з навучаннем, гэтае свята - адно з найбольш значных і ўрачыстых. Менавіта дзякуючы настаўнікам мы становімся на ногі ў сваім жыцці, знаходзім сабе месца, рэалізуем здольнасці.

     Гэта дзень для ўсіх, хто шануе і паважае працу педагога і настаўніка падрастаючага пакалення. Гэта дзень, калі кожны спяшаецца аддаць даніну павагі тым педагогам, якія ўклалі ў нас часцінку сябе і сваіх ведаў. Гэта дзень, калі мы віншуем і дзякуем тым, хто сёння вучыць і навучае нашых дзяцей і моладзь.

     У жыцці кожнага з нас былі педагогі, якія дапамаглі нам стаць тымі, кім мы ёсць.
Падзякуем нашым настаўнікам і ўсім педагогам за іх нялёгкую працу.
За цярпенне і веру ў вучняў. За адданасць прафесіі.